|
Qur'an-a Pîroz Bi Kurdî
Sûreta Qiyamet/Di Mekke da hatîye hînartinê û 40 berate ye.
Bi navê Yezdanê Dilovan ê Dilovîn
1- Ho! Ez bi roya qarsê sond dixum.
2- Û ho! ez bi canê, ku (li ser kirinê xweyê sik) li xwe tatan dike sond dixum.
3- Qey meriv guman dikin, ku ji (piştî mirinê) em hestûyê wan nacivînin?
4- Erê! (emê hestûyê wan bicivînin) em dişên, ku momikê tilîyê wan jî rast bikin.
5- Lê bi rastî meriv di vên, ku di berxwe da jî (aşîtan) derxin (loma bi peyweste gunehan
dikin).
6- (Bê tebat) meriv dipirsin; ka roya qarsê kîngê ye?
7- Îdî gava çav dibirûs e.
8- Û rûyê hîvê hatibe girtinê.
9- Û roj û hîv bi hev ra civyabin.
10- Di wê royê da meriv (aha) dibêjin: "Ka merivê kuda bireve?"
11- Na! (rev çênebe) loma tu penah tune ye.
12- Di wê royê da hewandin hey li bal Xuda yê te ye.
13- Di wê royê da ji bona merivan ra tişta ewan pêş û paş xistîye tê gotinê.
14- Bi rastî (di wê royê da) meriv li ser xwe; bi kirin û ne kirinê xwe dîdevan e.
15- Çiqa hinek tatê xwe jî bêje.
16- (Muhemmed!) tu zimanê xwe (hêj di berya dawî ya niqandê nehatî ye) ji bona
lez kirina (ezber ya Qur'an ê) ne hejîn e.
17- Loma bi rastî civandin û xwundina wê (Qur'an ê) li ser me ye.
18- Îdî gava me Qur'an xwund, tu jî îdî bibe peyrewê wê xwundinê.
19- Paşê bi rastî huzwartina wê (Qur'an ê) li ser me ye.
20- Na! (hûn ji lezbûnê para naçin) lê hûn ji lezbûnê hez dikin.
21- Û hûn dest ji para da jî berdidin.
22- Di wê royê da hinek rû hene, ji bedewî ya xwe diçilwulin.
23- Li bal Xuda yê xwe da mêze dikin.
24- Û di wê royê da hinek rû jî hene, temirîn e.
25- Loma guman dikirin, ku wê hestûyê pişta wan bê şikênandinê.
26- Na! (bira lez nekin). Lê gava can gihîjte pira hestûyê stû.
27- Û (aha) bê gotinê: "Gelo kê dikare (ewî derman bike) rake".
28- Û ewî guman kirîye, ku bi rastî îdî danê raqetandina wî ji cihanê ye.
29- Îdî (ji zerpa mirinê) çîq li hev aylan e.
30- Di wê royê da hey şandin li bal Xuda yê te da ne.
31- Îdî ewî (fileyê) rastdarî û nimêj ne kirîye.
32- Lê hey vir kirîye, pişta xwe da ye wan.
33- Paşê çû ye bal malînê xwe, xwe qure kirîye.
34- Îdî (mêriko!) xwelî ji bona te ra be, xwelî li serê te be.
35- Dîsa xwelî ji bona te ra be, xwelî li serê te be.
36- Maqey meriv guman dikin, ku merivê bahorde bê berdanê?
37- Maqey ewa (meriva) ji aveke hilwejoke bênketî çi ne bûye?
38- Paşê bûye zûryekî, îdî (Yezdan) ewa afirandîye û pêk anîye.
39- Îdî (Yezdan) ji wê du zon e; nêr û mê çê kirîye.
40- Maqey ewê ku, evan (bi afirîne) naşê ku miryan zende bike!
|
|
